செழிக்கும் நற்கல்வியால் தழைக்கும் நம் தமிழகம்
கல்வியுகப் புரட்சியாய்
வருகுது கல்வித்தொலைக்காட்சி
வளர்ச்சி ஒன்றை மூச்சாக்கி
பாடங்கள் மாறுது
கல்வி ஒன்றை கையிலெடுத்து அறிவிங்கே படங்களாக ஓடுது
தித்திக்கும் திருக்குறளும் திகட்டாத கதைபலவும் குவியலாக கிடக்குது
ஏடு தாண்டி கணினி போதாதென கல்வி தொலைக்காட்சி கனவுகளைக் கூட்டுது
பொம்மலாட்டம் ஒயிலாட்டம் மயிலாட்டமென பாரம்பரியம் திரும்புது
சின்னச்சிறு குழந்தைகளும் திரையில் வர தித்தித்துப் போகுது
வெற்றி பெற வழிபலவும் காட்டி
விஞ்ஞானம் மெய்ஞானம் ஊட்டி
கட்டிக்கரும்பாக வருகுது கல்வித் தொலைக்காட்சி
இனி கனவெல்லாம் நிறைவேறும் வேறென்ன வேண்டும் சாட்சி
பலதிட்டம் போட்டே தான் கல்விக் காக்கிறது நம் அரசு
பலபள்ளி இருந்தாலும் அரசுப்பள்ளி உயர்வென்றே கொட்டுது வெற்றி முரசு
பிள்ளைகளே
களித்திடுங்கள் கற்றிடுங்கள்
அறியாமை அகலட்டும்
இருள் நீங்கி புத்தொளிதான் பாரெங்கும் பரவட்டும்
கதையுண்டு கற்கண்டு சுவையுண்டு களித்திடுங்கள் தினம் கண்டு
ஆசான்கள் பாடத்தோடு பாடல்பாட
சேதி பல கொண்டு வருதே இத்தொலைக்காட்சி
இனிக்க இனிக்க கற்பீர்கள் அதுவே சாட்சி
கோடிமலர் தூவி அனைவரும் வரவேற்போம்
கல்வி ஒன்றே மாற்றம் தரும் முழுதாய் அதைக் கற்போம்
இது நம்ம தொலைக்காட்சி
அதுதான் நம்ம கல்வித்தொலைக்காட்சி
அகிலமெங்கும் பரவட்டும் அதன் ஒப்புயர்வற்ற மாட்சி
சீனி.தனஞ்செழியன்
No comments:
Post a Comment